SpindleWorks

Estans assis aux rives aquatiques
De Babylon, plorions melancholiques,
Nous souvenant du païs de Syon:
Et au milieu de l'habitation,
Où de regret tant de pleurs espandismes,
Aux saules vers nos harpes nous pendismes

Lors, ceulx qui là captifs nous emmenerent,
de les sonner fort nous importunerent,
Et de Syon les chansons reciter:
Las, dismes nous, qui pourroit inciter
Nos tristes cueurs à chanter la louange,
De nostre Dieu, en une Terre estrange?

Or toutefoys, puisse oublier ma dextre
L'art de harper, avant qu'on te voye estre
Ierusalem, hors de mon souvenir:
Ma langue puisse à mon palais tenir
St je t'oublie, et si jamais ay joye,
Tant que premier ta delivrance j'oye.

Mélodie originale:
Strasbourg 1539
Psautier de Genève,1542,
Loys BOURGEOIS,1547
Harmonisations:
Claude GOUDIMEL