SpindleWorks

Seigneur Dieu, oy l'oraison mienne
Jusqu'à tes aureilles parvienne
Mon humble supplication;
Selon la vraie mercy tienne
Respans moy en affliction.

En cette fosse obscure & noyre
Des jours passés j'ay eu memoire
Là j'ay tes oeuvres medités,
Et pour effort consolatoyre
Les faicts de tes mains recités.

O Seigneur Dieu, mon esperance
Donne moy pleine delivrance
De mes poursuyvants ennemys,
Puisque chés toy, pour asseurance,
Je me suis à refuge mys.

Tous les ennemys qui m'assaillent,
Fais par ta mercy qu'ils defaillent.
Et rends confondus, & destruicts
Tous ceux la qui ma vie travaillent
Car ton humble serviteur suis.

Clément MAROT

Mélodie originale:

Strasbourg, 1539
Psautier de Genève,1542,
Loys BOURGEOIS, 1547

Harmonisations:
1. d'après Claude GOUDIMEL
2. d'après Louange & Prière, N°537